5.金牌打仔 (第1/8页)

    

5.金牌打仔

    比賽臨近至前一晚，烏鴉派了些人布置現場，門口貼上了賽事預告招貼，海報上寫着「地極挑戰賽·龍爭虎鬥·Fight！」，還配有粗糙的拳擊卡通人物，略顯滑稽。

    阿羽大大鄙視了一番烏鴉這種俗氣的審美，接着心中泛起緊張的情緒，對手是誰還沒消息，說不上害怕，但起碼壓根沒底。

    烏鴉看出她心神不寧，把她叫去自己房間。

    「魚蛋妹，準備成點啊？」

    「乜點啊？我又唔會臨場走佬嘅。」

    「你份人講嘢使乜下下頂到咁行啊？」烏鴉隨手點起煙，像是在安撫她：「唔使緊張，放開嚟打就得啦。」

    「老細而家算唔算係關心緊我呢個爛鬼打仔咧？」

    他吐出一口煙圈：「你話呢？我關心我D拳手嘅狀態啫，有乜問題？」

    阿羽輕哼了一聲不說話。

    「你早D返去唞吓啦，對面嗰個只係條蛋散嚟?，聽日上場精神D。」

    「求之不得。」

    之所以打發走阿羽和其他人，是因為他有個突發事情要處理。

    二樓的露臺，烏鴉赤膊端坐在椅子上，身邊的桌子滿是胡亂埋堆的啤酒罐和花生殼，面前一個留卷曲長發的男細靚雙膝跪地，滿面淤青嘴角流血，已是遭受過毒打，後面則圍了一圈神經緊繃的馬仔。

    下山虎兩手擼了擼後腦，轉動頸部，CROW刺青和太角項鏈在光照下異常顯眼。

    跪着的男人抖如篩糠，絮絮叨叨個不停：「大佬啊，我好後悔入咗黑社會，入咗東星啊！」

    「你俾條路我行啊，我唔想好似細喪，為你孭嗰單嘢，入冊受咗五年，而家連安家費都無。」

    「我真係唔想好似大舊，喺石硤尾同嗰班洪興仔劈，劈到手腳都冇埋，眼又俾人挖埋出嚟，腸又通地都喺，仲俾人擗埋落條大坑渠度，連條屍都認唔到！」

    烏鴉起初面無表情，聽到這裏站了起來，眼睛瞇起走過去，猛地飛起左腳把男人踢翻。

    他俯視這個可憐蟲：「你而家詐我型定求我？你喺關老二面前發過毒誓跟我，話唔跟就唔跟啊？」

    突然他暴起誇張一跳，口裏怪吼大叫，地上的男人被他這舉動嚇得軀體一震，驚恐地張大嘴巴，其他細佬也跟着顫了一下。

    烏鴉蹲下靠近他，兇惡地學起他的口吻：「我真係好後悔入咗黑社會～」說着，他閃到背後，扯住男人頭髮晃到面前：「而家我同你計，係你穿櫃筒嗰條數，嗰80萬，你話點計？」