18.錯位邂逅 (第7/11页)

雷劃破空白腦海。

    「你…你係笙哥嘅…」

    「呵呵，睇嚟你仲記得...」Ray淡然點頭，伸出指骨頎長的手：「我叫龍睿。」

    戴子良震驚感慨，握捏的右臂發抖發麻。

    年輕人竟是60年代名噪港島黑道，各大字頭公認僅兩名雙花紅棍其中一人的...公子？

    他當場回首舊章陳史，1970年前皇氣黑幫不分家，五億總華探長翻手為雲，斡旋英方與港人之間...圍村寮屋孳生罪惡溫床，無數道友們啤灰橫擺，狂野追龍...跟隨大佬四方征伐，受把於老芝淪落，流淚苦吟《鐵窗紅淚》，有人則進了祠堂等候末日...

    「和合圖」龍鴻笙，自九龍城寨的陰暗犄角破殼出世，拳打大圈爛仔腳踢北漏洞拉，挑遍洪門高手，硬是在血肉紛飛的潮籍社團橫刀立馬，龍眼紅花加身，風頭一時無兩。

    可浮生從來無常，惡犬終須山上喪，將軍難免陣前亡...

    74年麥理浩成立ICAC，O記換血重組，肅清大量警部遺毒，在此之前的幾年裏，和合圖內陡生變節，沒有幾個知道龍鴻笙遭遇了什麽，坊間傳其死於亂刃，也有的說他急流勇退遠走重洋，於是傳說成為不可考證的笑談，最後銷聲匿跡。

    龍鴻笙曾三次救難身陷囹圄的他，棺材仔和茶樓，是江湖傾軋下兄弟情義唯一的信物見證。

    「對唔住，啱先係我有眼不識泰山…笙哥佢，過得好嗎？」

    「唔好咁講戴生，佢過得好好，多謝關心。」

    亮出手表，對方一百八十度轉變，Ray知道接下來的談話將會順利許多。

    「我哋都以為佢...估唔到今日仲可以同龍公子見面。」

    戴子良永遠難忘，龍鴻笙只帶着和合圖另一名雙花紅棍梁修文，赴龍門茶樓面對幾十名壯猛印巴人，把半死不活的自己撈出來，魄力膽識舉世無雙。

    「哎，當年響度...我俾...」

    「過去嘅事就由得佢啦。」Ray打斷他，倒了杯水仙：「伯爺話過戴生係個知恩圖報嘅忠義之人，我今次冒昧約你出嚟都係有事相求。」

    「...龍生有話不妨直說。」

    Ray調查過戴子良背景，為打消他的顧慮向他解釋：「你唔使擔心，而家大家都係做緊正當生意...老爺佢好關注HK嘅地產業，想注入黑龍社嘅資金，聽駱伯話你係Hennessy嘅資商主席，希望我哋有機會合作。」

上一页 目录 下一页