分卷阅读36 (第1/3页)

    晒主意，直至突然间有人响我耳边叫醒我，我先好似从梦中走返入现实咁..叫醒我嘅当然系Johnny，佢今日著左一套好醒目嘅西装，slimfitcutting，加埋贴身嘅西装裤，将佢成个倒三角嘅身形表露无遗，里面就著一件浅粉紫色裇衫衬埋一条暗红色丝质领汰，稳重中又显出活力，吾知点解每一次见到佢都会有莫名嘅好感，无论佢系著便服定系西装我都会觉得好好睇，可能系我先入為主，我总系觉得佢吾似系坏人，背后一定会有原因！！我重可能会帮到佢添！！

Johnny：等左我好耐呀？

Ryan：都吾系，一阵姐！

Johnny：上我车先讲啦！

Johnny同我上左泊响路边嘅私家车，呢架吾系一架普通嘅私家车，而系一架名贵跑车，虽然话佢系心理医生都搵吾少，但系都吾似可以买得起一架过百万嘅名贵跑车。名车即系名车，架车一比油就好去，话咁快已经上左高速公路，我以為Johnny系返佢旺角嘅office，但系架车正驶向东区海底隧道方向。

Ryan：我的吾系返你office羊？

Johnny：未至，你有冇野做呀？你吾赶时间嘅话我想带你去一个地方先。

Ryan：吾赶！我今日off，咁你想带我去边呀？

Johnny：你一阵间咪知攞！

架车好快咁入左东隧之后再驶向赤柱方向，架车渐渐远望民居，沿途开始见到四周树影荗密，再行冇耐就已经开始见到海岸线，架车最后停左响一个比较偏僻嘅避车处，呢个位置比较隐蔽，四周高树林立，但向前就一望无际成个赤柱海岸线尽入眼帘，向下望就见到依海岸线所建嘅一排排独立豪宅。

Johnny：今日天气好好，你鐘吾鐘意呢度嘅风景呀？第80页

Ryan：几好呀，你车我离呢度就系睇风景呀？

Johnny：我以前细个响呢头附近住，不过当然吾系呢d豪宅啦，我只系一个乡下街童，同埋阿哥一齐周街帮阿妈拾汽水罐维生，见到d游客揸住罐汽水就跟足佢几个山头，一见佢掉个罐时就会好开心咁拾起离....以